‘शून्य’ भनेको बजेटको रकम शून्य भन्ने अर्थमा होइन : प्रेम बोहोरा “कोग्ले”

तर खिन्नताको विषय के हो भने सरकारले राष्ट्रिय प्राथमिकता र विशेष महत्वका योजनाहरू बजेट वक्तव्यमै स्पष्ट रूपमा उल्लेख गर्दा डोल्पाको नामसमेत लिन आवश्यक ठानेन। कर्णालीलाई विशेष प्राथमिकता दिने प्रतिबद्धता व्यक्त गरेको, मिसन मोडमा काम गर्ने दाबी गरेको र विज्ञ नेतृत्व रहेको सरकारले डोल्पाका विषयमा कुनै स्पष्ट सन्देश नदिनु निराशाजनक लाग्यो । डोल्पामा विगतमा पनि बजेट आएको छ, अहिले पनि आउँछ। तर जिल्लाबासीको गुनासो के हो भने अधिकांश बजेट साना–साना टुक्रे योजनामै सीमित हुने गरेका छन्। हाम्रो अपेक्षा भने जिल्लाको आर्थिक तथा सामाजिक रूपान्तरण गर्न सक्ने, अर्बौं रुपैयाँ लगानी हुने रणनीतिक र दीर्घकालीन योजनाहरूको हो ।

डोल्पा कुनै एक जिल्लाको मात्र विषय होइन, यो राष्ट्रिय महत्वको क्षेत्र हो । यहाँको पर्यटन, जडीबुटी, कृषि तथा प्राकृतिक सम्पदाको सम्भावनालाई व्यवस्थित रूपमा विकास गर्न सकियो भने त्यसले डोल्पामात्र होइन, समग्र नेपाललाई नै समृद्ध बनाउन सक्छ। डोल्पाको विकासबिना नेपालको समग्र विकासको यात्रा पनि अधुरो रहन्छ । यो कुरा पहिले हामीले बुझ्नुपर्यो । सरकरले बुझ्नुपर्यो र राज्य संयन्त्रले नबुझेको जस्तो गर्नुभएन ।