जगदुल्ला गाउँपालिका कर्णाली प्रदेशको कम बेरुजु हुनेमा तेस्रो स्थानमा डोल्पाको पहिलो पालिका

 जेठ ०५,

डोल्पा :  जगदुल्ला गाउँपालिका कर्णाली प्रदेशमा कम बेरुजु हुने सुथानीय तहमा तेस्रो स्थानमा परेको छ । डोल्पाका ८ वटा स्थानीय तह मध्य जगदुल्ला गाउँपालिका डोल्पा जिल्लामा पहिलो र कर्णाली प्रदेश भरीमा तेस्रो स्थानमा परेको हो । महालेखा परीक्षकको कार्यालयले सार्वजनिक गरेको आर्थिक वर्ष २०८१/०८२ को लेखा परीक्षण प्रतिवेदन अनुसार जगदुल्ला गाउँपालिकाको बेरुजु २२ लाख ७१ हजार अर्थात  (०.३६%) प्रतिशत मात्र रहेको छ ।

जगदुल्ला गाउँपालिकाको प्रमुख प्रशासकिय भवन जो डोल्पाका स्थानीय तहहरु मध्य सवैभन्दा पहिले निर्माण भएको थियो ।

हाल महालेखा परिक्षकको कार्यालयले सार्वजानिक गरेको प्रतिबेदनमा देखिएको पालिकाको बेरुजु पेश्की बेरुजु भएको र पेश्की फर्छ्यौट भए पश्चात् बेरुजु शून्य प्रतिशतमा झार्ने अभियानमा पालिका हरदम लागि रहेको जगदुल्ला गाउँपालिकाका प्रशासकीय अधिकृत केशव राज पाण्डेले बताए । उनले भने यस पालिकाका नागरिकमा पनि चतना छ र पालिकाले पनि हरेक क्षेत्रमा निति नियमा र ऐन अनुसार काम गराउदा बेरुजु शुन्य तिर झर्न लागेको हो पालिकाले छिट्टै हाल देखिएको बेरुजु शुन्य बनाउने छ ।

‘आर्थिक पारदर्शीताका लागि हामीले नीति, नियम र निर्देशिका बनाएका छौ,  सहो अनुसार स्थानीय तह सञ्चालन भएको छ र नागरिकले सहयोग पनि गरेको जगदुल्ला गाउँपालिकाका अध्यक्ष नारासिँह रोकायाले बताए । अध्यक्ष रोकायाले भने बोलेर भन्दा पनि स्थानीय सरकार निति,कानुन र ऐन बनाएर सोहि अनुसार काम गरे नागरिकले सहजै सहयोग गर्ने र बिकासका साथै सेवा प्रभाबकारी हुने दावी गरे । बेरुजु शून्यमा झार्न सकिन्छ जनप्रतिनिधि,कर्मचारी र जनताको एकत भए उनले थपे ।

डोल्पामा सवै भन्दा कम बेरुजु जगदुल्ला गाउँपालिकाको ०.३६ प्रतिशत सवैभन्दा धेरै ठुलीभेरी नगरपालिकाको ४ करोड ६९ लाख ३१ हजार अर्थात (४.६१%) रहेको छ । त्यसै गरी माथिल्लो डोल्पाको बेरुजु कम भएको दोश्रो स्थानीय तहमा  डोल्पोबुद्ध गाउँपालिकाको ५० लाख ४० हजार अर्थात (०.९९%) रहेको छ ।

डोल्पाका कुन स्कथानीय तहमा कति बेरुजु हेर्नुहोस्..

यसरी महालेखा परिक्षकको कार्यालयले सार्वाजानीक गरेको प्रतिबेदन अनुसार हेर्दा डोल्पा जिल्लाका स्थानीय तहको क्रमशः बेरुजु कम गर्ने तेश्रो स्थानीय तहमा शे-फोक्सुण्डो गाउँपालिकाको १ करोड १६ लाख ८२ हजार (१.४५%) चौथो स्थानमा काइके गाउँपालिकाको १ करोड २३ लाख ५९ हजार (१.५६%), पाँचौं स्थानमा छार्का ताङसोङ् गाउँपालिकाको १ करोड ९२ हजार (१.८३%), मुड्केचुला गाउँपालिकाको १ करोड ६१ लाख ६८ हजार (२.०६%), त्रिपुरासुन्दरी नगरपालिकाको २ करोड ९० लाख ३४ हजार (२.६८%) र सबै भन्दा बढी ठुलीभेरी नगरपालिकाको ४ करोड ६९ लाख ३१ हजार (४.६१%) बेरुजु रहेको छ ।

महालेखा परीक्षकको कार्यालयले सार्वजनिक गरेको आर्थिक वर्ष २०८१/०८२ को लेखा परीक्षण प्रतिवेदन अनुसार कर्णाली प्रदेशमा दार्मा गाउँपालिका सल्यान ०.२५ प्रतिशत बेरुजु सहित कम बेरुजु भएको पहिलो पालिका, त्रिबेणी गाउँपालिका सल्यान ०.२९ प्रतिशत कम बेरुजु सहित दोस्रो र जगदुल्ला गाउँपालिका डोल्पा ०.३६ प्रतिशत कम बेरुजु सहित तेस्रो स्थानमा परेका हुन ।

हेर्नुहोस कर्णाली प्रदेशका कुन स्थानीय तहमा कति बेरुजु :